“Əsgərcell” ilə xidmətinizdəyik!

Əsgərcell haqqında

“Əsgərcell” Azərbaycan Respublikasının Müdafiə Nazirliyi ilə əməkdaşlıq çərçivəsində Azercell olaraq tərəfimizdən həyata keçirilən və hərbi xidmətə çağırılan şəxslər üçün nəzərdə tutulmuş xüsusi təklifdir. Bu təklif əsgərlərin xidmət müddəti ərzində ailələri və yaxınları ilə rahatlıqla əlaqədə qalmasına və ən vacib anlarda bir zəng qədər yaxın olmasına imkan yaradır.

Paketə smart-funksiyaları olmayan xüsusi mobil telefon, yeni Azercell nömrəsi və ilkin balans daxildir. Təhlükəsizlik tələblərinə uyğun olaraq cihazda internet və digər əlavə funksiyalar deaktiv edilib, yalnız səsli zəng xidmətindən istifadə mümkündür.

Əsgər əvvəlcədən təsdiqlənmiş 5 nömrəni seçərək müəyyən edilmiş vaxtlarda ailə üzvləri və yaxınları ilə əlaqə saxlaya bilər. Beləliklə, xidmət dövründə ən dəyərli bağlardan biri – doğmalarla ünsiyyət – daha əlçatan olur.

Əsgərcell-in üstünlükləri

• Xidmət müddəti ərzində ailə və yaxınlarla etibarlı əlaqə imkanı
• Sadə və rahatlıqla istifadə olunan mobil telefon
• Təhlükəsizlik tələblərinə tam uyğun rabitə həlli
• Xüsusi olaraq hərbi xidmət şəraiti üçün hazırlanmış təklif
• Əsgərlərə və onların ailələrinə əlavə rahatlıq və mənəvi dəstək

Qoşulma şərtləri

Əsgər hərbi hissələrdə xüsusi ayrılmış ərazidə fəaliyyət göstərən müvəqqəti satış məntəqəsinə yaxınlaşaraq şəxsiyyət vəsiqəsinin surətini təqdim etməklə təklifə qoşula bilər.

Təklifə daxildir:

• Smart-funksiyaları olmayan mobil telefon
• Yeni Azercell nömrəsi
• İlkin balans – 1 AZN

Təklifin dəyəri: 88 AZN

İş saatları (Qeyri-iş saatlarında xidmət göstərilmir.)

• Bazar ertəsi – Cümə (18:00 – 21:00)
• Şənbə  (15:00 – 22:00)
• Bazar (10:00 – 21:00)

18 ay ərzində balansın artırılıb-artırılmamasından asılı olmayaraq xətt açıq qalacaq.

Təsdiq edilmiş siyahıda yalnız 5 nömrəyə, eləcə də təcili hallar üçün nömrəyə zəng etmək mümkündür.