get-img

Kabinetim iOS üçün Android üçün

Yüklə Yüklə

Siz ərazisindəsiniz

arrow-back Bələdçi

Mobil dələduzluq

Sizə qarşı mobil dələduzluq törədilibsə, bu faktla bağlı hüquq mühafizə orqanlarına müraciət edə bilərsiniz. Mobil rabitə operatoru dələduzların hərəkətlərinə görə məsuliyyət daşımır və onları hüquqa zidd hərəkətlərlərinə görə məsuliyyətə cəlb etməsi mümkün deyil.

Hörmətli Abunəçilər,

Son zamanlar Azercell şəbəkəsi istiqamətində beynəlxalq mobil dələduzların fəallaşmasını nəzərə alaraq abunəçilərimizə diqqətli olmağı tövsiyyə edirik. Bununla əlaqədar tərəfimizdən bütun müvafiq tədbirlər görülməkdədir. Şübhəli məzmunlu SMS-lərə geri dönüş etməməyi, həmin SMS-də göstərilən beynəlxalq nömrələrə zəng etməməyi tövsiyyə edirik. Əks halda nömrənizin hesabında böyük məbləğdə xərclər yarana bilər.

Mobil dələduzluğun ən yayilmiş növləri:

Səhvən edilən yükləmələr

Abunəçinin nömrəsinə "Hörmətli Abonent! ... nömrəli abonent Sizin balansınıza ... manat yükləmişdir" məzmunlu SMS gəlir. Daha sonra abunəçiyə zəng və ya SMS ilə bildirilir ki, onun nömrəsinə səhvən yükləmə edilib və ondan eyni məbləği başqa nömrəyə yükləmək xahiş olunur.

Klonlaşdırma

Abunəçi telefonunu başqa bir şəxsə verdikdə, SIM-kartının klonlaşdırılması ehtimalı ilə qarşılaşa bilər. Bu əməliyyat xüsusi pirat avadanlığı vasitəsilə edilir. Dublikatın olduğunu periodik olaraq balansın qeyri-müəyyən halda azaldığında başa düşmək olar.

Mükafatlar

Abunəçiyə hər hansı tanınmış şirkət və ya naməlum bir nömrədən onun lotereya qalibi olduğu və ya mükafat (pul, telefon, noutbuk və s.) qazandığı haqda SMS bildirişi daxil olur və bu mükafatı əldə etmək üçün göstərilən qısa nömrəyə SMS göndərmək və ya qeyd edilən hesaba pul köçürmək tələb olunur.

Təhlükəsizlik tövsiyələri:

  • Son zamanlar Android mobil platformasını dəstəkləyən mobil telefonlarda “Notify.rocks” adlı virus yayılmışdır. Bu virus abunəçiləri müxtəlif xarici istiqamətlərə zəng etməyi vadar edir.

Qeyd edilən virus barədə ətraflı məlumat, həmçinin qarşısının alınması qaydaları barədə aşağıdakı link-lərdən əldə edə bilərsiniz.

https://malwaretips.com/blogs/remove-notify-rocks/

https://malwaretips.com/blogs/remove-android-virus/#safemode

https://support.google.com/chrome/answer/2765944?co=GENIE.Platform%3DAndroid&hl=ru

  • Hər hansı bir məxfi məlumatın (kredit kartın nömrəsi, PIN-kod, şifrə və s.) ötürülməsinə imkan verməyin və ya minimuma endirin.
  • Əlavə açılan pəncərələrlə ehtiyatlı olun və naməlum linklərə keçid almayın.
  • Qısa nömrələrə zəng etməzdən və ya SMS göndərməzdən əvvəl mobil operatordan və ya xüsusi məlumat mənbələrindən xidmətin istifadə haqqı barədə məlumat alın.
  • Şübhəli proqram təminatını yükləməyin, tanımadığınız fayl və naməlum əlavələri açmayın.
  • Tanış olmayan şəxslərə telefonunuzu verməyin.
  • Windows blokunun açılması və faylların arxivdən çıxarılması üçün SMS göndərməyin.
  • Naməlum şəxslərdən gələn SMS-lərdə göstərilən nömrələrə pul yükləməsi etməyin.
  • Buraxılmış zənglər zamanı zəng edən naməlum nömrəyə geri zəng etməyin.
  • Antivirus proqramlarını yükləyin və mütəmadi olaraq onları yeniləyin.
  • İnternet resurslarından hər hansı məzmun yüklədikdə xidmətdən istifadə qaydalarını, eləcə də qeydlər bölümünü diqqətlə oxuyun.
  • Hədiyyə uduşu barədə şubhəli məlumat və qeyd olunmuş nömrəyə zəng etmək təklifi aldığınızda, göstərilən lotereya və ya kampaniyada iştirak edib-etmədiyinizi dəqiqləşdirin.