Azercell abunəçilərinin nəzərinə!

“Azercell Telekom” MMC tərəfindən təqdim olunan xidmətlərin keyfiyyətinin yüksəldilməsi, optimallaşdırılması, eləcə də internet və rəqəmsal istifadənin stimullaşdırılması məqsədilə 25.08.2026-cı il tarixindən etibarən aşağıda qeyd olunan xidmətlərin istifadə şərtlərində dəyişikliklər tətbiq ediləcək. Bu dəyişikliklər gələcəkdə də abunəçilərə yüksək keyfiyyətli və dayanıqlı xidmətlərin göstərilməsini təmin etməklə yanaşı, texniki göstəricilərin davamlı şəkildə təkmilləşdirilməsinə imkan yaradacaq.

• Fakturasız (SimSim) xətt sisteminə aid nömrələr üçün nəzərdə tutulmuş “Avtomatik balans məlumatı” xidmətinin aylıq abunə haqqı 0,80 AZN (ƏDV daxil) təşkil edəcək.
• Fakturasız (SimSim) xətt sisteminə aid nömrələr üçün nəzərdə tutulmuş “Balans məlumatı” xidmətinin aylıq abunə haqqı 0,15 AZN (ƏDV daxil) təşkil edəcək.
• “Buraxılmış zəng” xidmətinin aylıq abunə haqqı Fakturasız (SimSim) və Fakturalı xətt sisteminə aid nömrələr üçün, eləcə də Fakturalı xətt sisteminə aid korporativ müştəri seqmenti üçün 0,99 AZN (ƏDV daxil) təşkil edəcək.

Qeyd: abunəçilər balans haqqında məlumatı tamamilə ödənişsiz olaraq “Azercell” tətbiqindən izləyə bilərlər.

• Fakturasız (SimSim) və Fakturalı xətt sistemlərinə, həmçinin fərdi sahibkar və fiziki şəxs statuslu korporativ müştərilərin istifadəsində olan fakturalı xətt sisteminə aid nömrənin rabitə xəttinin bərpası üçün 5 AZN (ƏDV daxil) xidmət haqqı tətbiq ediləcək.
• “Premium Loyalty” proqramı çərçivəsində təqdim edilən “Mobil Müştəri Xidmətləri” (abunəçinin sifarişinə əsasən yerində xidmət göstərilməsi) dayandırılacaq. “Premium” tarif paketlərinin bütün digər imtiyazları olduğu kimi qalır.

Qeyd: Abunəçilər göstərilən dəyişikliklər, xidmətlərin sifarişi və imtina qaydası barədə, o cümlədən “Azercell Telekom” MMC tərəfindən təqdim edilən xidmətlər, tariflər və keçirilən kampaniyalar barədə ətraflı məlumatları rəsmi internet səhifəmizdən (www.azercell.com), həmçinin Müştəri Xidmətlərinə (MX və ya Eksklüziv ofisləri, həftənin 7 günü 24 saat ərzində fəaliyyət göstərən Telefon Mərkəzi) müraciət etməklə əldə etmək imkanına malikdirlər. Korporativ abunəçilər xüsusi Müştəri Xidmətlərinə ((012)4904940 – şəhər telefonundan, 6050 – mobil telefondan (1 zəng – 0,1 AZN); Bazar ertəsi - Cümə, 09:00 - 18:00) müraciət edərək mövcud tariflər, kampaniyalar və xidmətlər haqqında məlumat əldə edə, müxtəlif əməliyyatlar həyata keçirə və texniki dəstək ala bilərlər.