get-img

Kabinetim iOS üçün Android üçün

Yüklə Yüklə

Siz ərazisindəsiniz

arrow-back Press-relizlər

Azercell növbəti dəfə “İnsana Sərmayə” üzrə regionun lideridir

calendar 30.11.2014

Azərbaycan Telekommunikasiya Bazarının lideri Azercell Telekom daha bir uğura imza atıb. Şirkət növbəti dəfə “Investors in People” (IIP) / İnsana Sərmayə Standartının tələbləri üzrə dəyərləndirilərək Gümüş Sertifikatına layiq görülüb. MDB ölkələri və ən önəmlisi beynəlxalq telekommunikasiya təşkilatları arasında Azercell Telekom Gümüş sertifikatını qazanan ilk şirkətdir. Bundan əlavə, hal hazırda Gümüş sertifikatı İngiltərə şirkətləri xaric olmaqla dünyada yalnız 19 beynəlxalq şirkətdə mövcuddur. Məlumat üçün qeyd edək ki, Azercell ilk dəfə Beynəlxalq Standart Sertifikatına 2006-cı ildə layiq görülüb.

 

İnsana Sərmayə Standartının nümayəndələri nominasiyaları bütün dünyada “International Quality Center” (İQC) (Beynəlxalq keyfiyyət Mərkəzi) tərəfindən qeydə alınan IIP məsləhətçilərinin tədqiqatları əsasında tədqim edir. Təşkilatın standartın tələblərinə uyğun olub-olmamadığını IQC-nin komissiyası müəyyənləşdirir.


Azercell Telekomda Resertifikatsiya prosesi zamanı bir çox işlər həyata keçirilib. IIP məsləhətçisi şirkət əməkdaşları ilə təkbətək müsahibələr keçirib. Müsahibələr həm üzbəüz görüşlər, həm e-mail şəklində, həmçinin də bölgələrdə çalışan işçilər ilə telefon vasitəsilə həyata keçirilib. Bu dəfə IIP standartının 126 meyarından 94-ü uğurla dəyərləndirilib. Keçirilən müsahibələrdə 61 Azercell işçisi iştirak etmişdir.


Bu beynəlxalq Standart işçilərin şirkət strategiyasının təyin edilməsi və qarşısına qoyduğu hədəflərə nail olması, qabaqcıl İnsan Qaynaqları prosesləri və onların şirkət strategiyasına bağlılığı, işçilərin rolu ve onların qərar vermə və s. kimi proseslərə cəlb edilməsi, şirkətin intellektual mülkiyyətinin inkişafı və inkişaf strategiyasının şirkət strategiyasına uyğunluğu, liderlik inkişafı platformasının qurulması, sosial məsuliyyət, əməkdaşların fəaliyyətinin ölçülməsi kimi göstəriciləri dəyərləndirir. IIP Standartı ilə işləyən şirkətlər hər 3 ildən bir sertifikasiya mərhələsindən keçir.

 

IIP Standartının resertifikasiya mərhələsini uğurla keçərək Azercell şirkəti digər sahələrdə olduğu kimi, İnsan Qaynaqları sahəsində də uğurlu fəaliyyət modelini nümayiş etdirdiyini bird daha təsdiqlədi.

 

Daha ətraflı məlumat üçün news@mcs.az ünvanına müraciət edə bilərsiniz

Azercell Telekom MMC 1996-cı ildə təsis edilmişdir və fəaliyyətinin ilk illərindən etibarən bazarda lider mövqeyini saxlayır. Bir sıra innovativ texnologiya və konsepsiyaları ilk dəfə olaraq Azərbaycana Azercell gətirib: GSM texnologiyası, öncədən ödəmə mobil xidmətləri, GPRS/EDGE (mobil internet), 24/7 Telefon Mərkəzi, tam xidmət göstərən Azercell Ekspres ofisləri, mobil elektron xidməti “ASAN İmza” və s. Azərbaycanın mobil rabitə bazarındakı payı 51.3% olan Azercell-in şəbəkəsi ölkə əhalisinin 99,8%-ni əhatə edir. 2014-cü ilin sonuna Azercell abunəçilərinin sayı 4,5 milyon  nəfər təşkil etmişdir. 2011-ci ildə Azercell 3G, 2012-ci ildə isə 4-cü nəsl şəbəkəsi olan LTE xidmətini təqdim etmişdir. Azercell Azərbaycanın mobil rabitə sənayesinin lideri və qeyri-neft sektorunun ən böyük sərmayədarıdır. Azercell dünyanın 20 ölkəsində fəaliyyət göstərən, ümumilikdə 186 milyon abunəçiyə xidmət edən və 27 min əməkdaçı olan TeliaSonera şirkətlər qrupunun bir hissəsidir.