get-img

Kabinetim iOS üçün Android üçün

Yüklə Yüklə

Siz ərazisindəsiniz

arrow-back Press-relizlər

SimSim abunəçiləri üçün sərfəli internet hər yerdə! 3G modem, yaxud 4G Mi-Fi alan Azercell abunəçiləri pulsuz 10 GB hədiyyə qazanacaq

calendar 30.11.2014

Bütün dünyada olduğu kimi, Azərbaycanda da mobil internet istifadəçilərinin sayı günbə-gün artmaqdadır. Müştərilərinin tələbat və istəklərini daim öndə tutan ölkənin lider mobil operatoru Azercell Telekom də bu baxımdan hər bir kəsi sevindirəcək bir yenilik edir.

24 aprel tarixindən etibarən Azercell özünün fakturasız (Sim-Sim) abunəçiləri üçün mobil internetlə bağlı möhtəşəm kampaniya elan etdi. Kampaniya çərçivəsində Azercell-dən 4G MiFi and 3G USB modem alan hər bir abunəçiyə 10 GB həcmdə internet hədiyyə olunur. Kampaniya zamanı 3G USB modem  üçün 20 AZN, 4G MiFi üçünsə 80 AZN verilən nömrənin balansına yüklənilir və bunun qarşılığında abunəçiyə 10 GB pulsuz internet təqdim olunur.

Qeyd edək ki, 10 GB bonusun istifadə müddəti 30 gündür. Lakin bonusun həcmi  30 gündən tez bitərsə, Azercell abunəçisini yenə də internetsiz qoymur. Belə ki, 10 GB  vaxtından tez bitərsə, abunəçi müddətin sonunadək limitsiz həcmdə və pulsuz internetdən istifadə edə bilər. Bu zaman sadəcə internetin sürəti azalır.

Xatırladaq ki, 3G USB modem 21.6 Mb/s-ə qədər internet sürəti, 4G MiFi cihazı isə çox yüksək - 100 Mb/s-ə qədər sürət təmin edir. Əgər kampaniya zamanı verilən bonus bir ay ərzində tam istifadə olunmazsa, həcm qalığı növbəti aya keçirilmir.

Yeni kampaniyanın özəlliklərindən biri odur ki, xidmət avvəlcədən ödəmə (SimSim) xidmətinə aid olduğuna görə növbəti aylarda abunəçilərə cərimə tətbiq edilmir. Sadəcə bonus müddəti  bitdikdən sonra abunəçi növbəti ay üçün mövcud internet paketlərindən birini sifariş edə bilər. Bunun üçün müvafiq açar sözü 2525-ə göndərilməlidir.

Qeyd edək ki, kampaniya yalnız fakturasız (SimSim) xətt sisteminə aid nömrələr üçün nəzərdə tutulur. Xidmətə qoşulmuş nömrədə digər xidmətlərdən (SMS və s.) istifadəyə görə xidmət haqları nömrədə mövcud olan tarif paketinə əsasən hesablanır. Nömrədə hər hansı digər tarif paket aktiv edilməyibsə, bu halda tarifləşmə SimSim xətt sistemində mövcud olan “Bizimkilər” paketinə uyğun aparılır.

Azercell bundan sonra da abunəçilərini sərfəli tarif paketləri və yeni cəlbedici kampaniyalarla sevindirməkdə davam edəcək.

 

 

Daha ətraflı məlumat üçün news@mcs.az ünvanına müraciət edə bilərsiniz

Azercell Telekom MMC 1996-cı ildə təsis edilmişdir və fəaliyyətinin ilk illərindən etibarən bazarda lider mövqeyini saxlayır. Bir sıra innovativ texnologiya və konsepsiyaları ilk dəfə olaraq Azərbaycana Azercell gətirib: GSM texnologiyası, öncədən ödəmə mobil xidmətləri, GPRS/EDGE (mobil internet), 24/7 Telefon Mərkəzi, tam xidmət göstərən Azercell Ekspres ofisləri, mobil elektron xidməti “ASAN İmza” və s. Azərbaycanın mobil rabitə bazarındakı payı 51.3% olan Azercell-in şəbəkəsi ölkə əhalisinin 99,8%-ni əhatə edir. 2014-cü ilin sonuna Azercell abunəçilərinin sayı 4,5 milyon  nəfər təşkil etmişdir. 2011-ci ildə Azercell 3G, 2012-ci ildə isə 4-cü nəsl şəbəkəsi olan LTE xidmətini təqdim etmişdir. Azercell Azərbaycanın mobil rabitə sənayesinin lideri və qeyri-neft sektorunun ən böyük sərmayədarıdır. Azercell dünyanın 20 ölkəsində fəaliyyət göstərən, ümumilikdə 186 milyon abunəçiyə xidmət edən və 27 min əməkdaçı olan TeliaSonera şirkətlər qrupunun bir hissəsidir