get-img

Kabinetim iOS üçün Android üçün

Yüklə Yüklə

Siz ərazisindəsiniz

arrow-back Press-relizlər

Azercell Azərbaycan və Qafqaz regionunda ilk Elm Festivalına dəstək olur

calendar 30.11.2013

Bu il noyabrın 10-11-də paytaxtda ölkənin ən iri telekommunikasiya şirkəti olan Azercell Telekom-un sponsorluğu ilə Bakı Elm Festivalı 2014 keçiriləcək. Azərbaycan Milli Elmlər Akademiyasının təşəbbüsü ilə baş tutan tədbir Rabitə və Yüksək Texnologiyalar Nazirliyi, Bakı şəhər İcra Hakimiyyəti və Təhsil Nazirliyinin təşkilati dəstəyi ilə hazırlanır.

 

Qafqaz regionunda ilk belə formatda tədbir olacaq Bakı Elm Festivalında son illər ölkə alimlərinin dünyada qəbul olunmuş elmi nailiyyətləri nümayiş etdiriləcək. Festival boyunca müxtəlif məkanlarda gənc alimlərin çıxışları, yaradıcılıq nümunələri və interaktiv sərgilərlə tanışlıq nəzərdə tutulub.

 

Azercell şirkəti festival iştirakçılarını mobil rabitə, və Wİ-Fİ şəbəkəsi ilə təmin edir. Bundan əlavə, Azercell tərəfindən AMEA işçiləri üçün xüsusi nömrələr də təqdim olunub.  Azercell, həmçinin, elmlə istehsalı, elmlə sənayeni görüşdürmək üçün festival iştirakçılarına, gənc alimlərə platforma yaradır.

 

Bakı Elm Festivalının iştirakçılarını elmi laboratoriyalara ekskursiyalar, müsabiqələr, yeni elmi nailiyyətləri özündə əks etdirən şoular, elmi-populyar filmlərin nümayişi gözləyir. Əsas tədbirlər Akademiya şəhərciyində - AMEA-nın əsas binasında və yeni açılmış Mərkəzi Elmi Kitabxanada keçiriləcək. Universitetlər də bu təşəbbüsə qoşulacaq - Bakı Dövlət Universiteti, Azərbaycan Dövlət Neft Akademiyası, Aviasiya Akademiyası,  Ali Neft Məktəbində maraqlı görüşlər baş tutacaq. Festival çərçivəsində 3 orta məktəbdə - 134, 23 və 6 saylı məktəblərdə tədbirlər planlaşdırılıb.

 

Dünyada ilk Elm Festivalı XIX əsrdə İngiltərədə keçirilib. Festivalın əsas devizi də “İnspire, Educate, Entertain” ( “Ruhlandır, Öyrət, Əyləndir”) olub. Festivalın keçirilməsində məqsəd elm və cəmiyyəti, həmçinin, elmin müxtəlif sahələrini bir-birinə yaxınlaşdırmaq, elmi nailiyyətləri sərgiləmək və gənc nəslin bu sahəyə marağını artırmaqdır. 

 

Azercell şirkəti daim Azərbaycanda elm və təhsilin səviyyəsinin yüksəlməsinə, gənclərin biliklərinin artırılmasına yönəlik layihələr icra edir. Elə təkcə Barama layihəsi çərçivəsində bacarıqlı gənclər xeyli kəşflərə, ixtiralara imza atıblar. Azercell-in dəstəyi ilə startup-lar öz layihələrini reallaşdırmaq üçün imkan əldə edib, xarici investorlarla görüşüblər. Azercell, həmçinin, uzun müddətdir ki, tələbələr üçün xüsusi təcrübə və təqaüd proqramlarını həyata keçirir. 

 

Odur ki, Azercell Telekom ölkədə və Qafqazda bir ilk olan bu yeniliyə - Bakı Elm Festivalının baş tutmasına yardım etməkdən qürur duyur.

 

Daha ətraflı məlumat üçün news@mcs.az ünvanına müraciət edə bilərsiniz

 

Azercell Telekom MMC 1996-cı ildə təsis edilmişdir və fəaliyyətinin ilk illərindən etibarən bazarda lider mövqeyini saxlayır. Bir sıra innovativ texnologiya və konsepsiyaları ilk dəfə olaraq Azərbaycana Azercell gətirib: GSM texnologiyası, öncədən ödəmə mobil xidmətləri, GPRS/EDGE (mobil internet), 24/7 Telefon Mərkəzi, tam xidmət göstərən Azercell Ekspres ofisləri, mobil elektron xidməti “ASAN İmza” və s. Azərbaycanın mobil rabitə bazarındakı payı 51% olan Azercell-in şəbəkəsi ölkə əhalisinin 99,8%-ni əhatə edir. 2013-cü ilin sonuna Azercell abunəçilərinin sayı 4,5 milyon  nəfər təşkil etmişdir. 2011-ci ildə Azercell 3G, 2012-ci ildə isə 4-cü nəsl şəbəkəsi olan LTE xidmətini təqdim etmişdir. Azercell Azərbaycanın mobil rabitə sənayesinin lideri və qeyri-neft sektorunun ən böyük sərmayədarıdır. Azercell dünyanın 20 ölkəsində fəaliyyət göstərən, ümumilikdə 186 milyon abunəçiyə xidmət edən və 27 min əməkdaçı olan TeliaSonera şirkətlər qrupunun bir hissəsidir.