get-img

Kabinetim iOS üçün Android üçün

Yüklə Yüklə

Siz ərazisindəsiniz

arrow-back Press-relizlər

Azercell 2015 Avropa Oyunlarının əsas şəbəkə təminatçısı seçilib Əsas olimpiya məkanlarında bütün operatorlar Azercell-in multioperator sistemi üzərindən çalışacaq

calendar 30.11.2013

Ölkəmiz gələn il daha bir dünya miqyaslı beynəlxalq tədbirə imza atacağı ərəfədə hazırlıqlar artıq tam gücü ilə davam etməkdədir.  Azercell Telekom 2015 Avropa Oyunlarının keçiriləcəyi stadionlar və digər əlaqədar ərazilərdə bütün müştəriləri üçün mobil rabitə sistemini təmin edəcəyini böyük qürurla bəyan edir. Uzun illər ərzində ölkənin bütün ərazilərini yüksək keyfiyyətli xidmət və kəsintisiz rabitə ilə təmin edən Azercell bu cür irimiqyaslı tədbirin Telekom təminatçısı seçildi. Məhz Azercell oyunların baş tutacağı Olimpiya Stadionu və Milli Gimnastika Arenasının binalarında daxili multioperator sistemi ilə təmin edəcək.  Artıq Milli Gimnastika Arenasında şirkət tərəfindən binadaxili multioperator sistemi quraşdırılıb. Olimpiya Stadionunun da tikintisi başa çatan kimi bu istiqamətdə analoji işlər aparılacaq. Stadionda qurulacaq unikal sistem 80 min abunəçiyə xidmət göstərmək gücündədir. Qeyd edək ki, binadaxili multioperator sistemi ona bir və ya bir neçə operatorun eyni zamanda öz radio baza stansiyasını qoşmağa imkan verir.  Qeyd olunan məkanlarda bu sistem Azercell Telekom tərəfindən təmin edildiyinə görə, qeyd olunan məkanlarda digər mobil operatorlar yalnız Azercell-in quraşdırdığı sistem üzərindən çalışacaq. Qeyd edək ki, multioperator sistemi Azərbaycanda ilk olaraq Azercell tərəfindən təqdim olunur. Ümumiyyətlə, belə sistem Azercell-in də daxil olduğu TeliaSonera məkanında da ilk olaraq Azərbaycan operatoru tərəfindən qurulur. Bu möhtəşəm idman yarışması dövründə Azercell, həmçinin, Olimpiya yolu və olimpiya kəndlərində 20-ə yaxın yeni Radio Baza Stansiyalarını yerləşdirməyi planlaşdırır. Bu da idmançılara yaşayış və məşq etdikləri zonalarda güclü şəbəkədən yararlanmaq imkanını verəcək. Bunlarla yanaşı, oyun iştirakçılarının istifadə etdikləri nəqliyyat vasitələri də güclü şəbəkə ilə təmin olunacaq. Bu məqsədlə Azercell tərəfindən mobil Radio Baza Stansiyalarının quraşdırılması da planlaşdırılır. Bunlardan əlavə, olimpiya oyunları ərəfəsində paytaxt Bakı və regionlar güclü 3G və 4G şəbəkəsi ilə təmin ediləcək.

 

Qeyd edək ki, 2015 Dünyada qitələr arasında ilk Avropa Oyunları məhz Azərbaycanda keçiriləcək. Yarışmaya Avropa Olimpiya Hərəkatının 49 üzv ölkəsindən 5400-dən çox nümayəndə qatılacaq. Onlar yüngül atletikadan tutmuş güləş, taekvondo, boks, voleybol, basketbol, çimərlik futbolu, cüdo və s. daxil olmaqla 19 idman növü üzrə yarışacaqlar.

 

Hər zaman olduğu kimi, qarşıdan gələn 2015 Avropa Oyunları ərzində də Azercell ölkə əhalisi və xarici qonaqları kəsintisiz şəbəkə və ən yüksək səviyyəli rabitə xidmətləri ilə təmin edəcək. 

 

 

Daha ətraflı məlumat üçün news@mcs.az ünvanına müraciət edə bilərsiniz


Azercell Telekom MMC 1996-cı ildə təsis edilmişdir və fəaliyyətinin ilk illərindən etibarən bazarda lider mövqeyini saxlayır. Bir sıra innovativ texnologiya və konsepsiyaları ilk dəfə olaraq, Azərbaycana Azercell gətirib: GSM texnologiyası, öncədən ödəmə mobil xidmətləri, GPRS/EDGE (mobil internet), 24/7 Telefon Mərkəzi, tam xidmət göstərən Azercell Ekspres ofisləri, mobil elektron xidməti “Asan İmza” və s. Azərbaycanın mobil rabitə bazarındakı payı 51% olan Azercell-in şəbəkəsi ölkə əhalisinin 99,8%-ni əhatə edir. 2013-cü ilin sonuna Azercell abunəçilərinin sayı 4,5 milyon nəfər təşkil etmişdir. 2011-ci ildə Azercell 3G, 2012-ci ildə isə 4-cü nəsl şəbəkəsi olan LTE xidmətini təqdim etmişdir. Azercell Azərbaycanın mobil rabitə sənayesinin lideri və qeyri-neft sektorunun ən böyük sərmayədarıdır. Azercell dünyanın 17 ölkəsində fəaliyyət göstərən, ümumilikdə 186 milyon abunəçiyə xidmət edən və 27 min əməkdaçı olan TeliaSonera şirkətlər qrupunun bir hissəsidir.