Azercell-Lab

Rəqəmsal gələcəyi Azercell-lə kəşf et!

Azercell-Lab - ödənişli və 6 ay müddətində davam edən təcrübə proqramıdır.

Azercell-lab, bakalavr və magistr tələbələrinə, həmçinin bakalavr və magistr dərəcələrində ali təhsillərini tamamlamış şəxslərə karyeralarını peşəkar mühitdə qurmaq, telekom sahəsində təməl biliklərə sahib olmaq, eləcə də şirkətimizdə həyata keçirilən layihələrdə iştirak etmək kimi unikal imkanları təqdim edir.

Öz inkişaf yolunu seç:

Hal-hazırda Azercell-Lab iki yöndə təcrübə proqramları təklif edir: IT-Lab və Biznes-Lab.

Əgər Sən liderlik keyfiyyətlərinə sahibsən, innovativ, çevik və yaradıcısansa –peşəkarlar şəbəkəsinə qoşulmaq fürsətini əldən vermə!

Seçim prosesi:

Seçimin ilk mərhələsində müraciətiniz Azercell əməkdaşları tərəfindən qiymətləndiriləcək.

Birinci mərhələdən keçən namizədlər növbəti mərhələyə dəvət olunacaq və müxtəlif testlər, və müsahibələr vasitəsilə qiymətləndiriləcəkdir.

Qiymətləndirmə prosesində tələbələrin və məzunların akademik fəaliyyəti, peşə bilikləri və digər maraqları da nəzərə alınacaqdır. Seçim prosesinin son mərhələsi qiymətləndirmə və üz-üzə müsahibələr daxildir.

Tələblər:

• Sonuncu kursda təhsil alan bakalavr tələbələri;
• Magistr tələbələri;
• 2016, 2017 və ya 2018-ci illərdə bakalavr və ya magistr dərəcələrini almış şəxslər;

Qeyd: Azərbaycan və xarici universitetlərin tələbələri iştirak edə bilər.